ជីវិតអ្នកនឹងប្រសើរ ស្រស់ថ្លាជាងមុន បើចាប់ផ្ដើមធ្វើទម្លាប់ ៥នេះបានតាំងពីដើមឆ្នាំ
- 2018-01-08 18:58:25
- ចំនួនមតិ 0 | ចំនួនចែករំលែក 0
ជីវិតអ្នកនឹងប្រសើរ ស្រស់ថ្លាជាងមុន បើចាប់ផ្ដើមធ្វើទម្លាប់ ៥នេះបានតាំងពីដើមឆ្នាំ
ចន្លោះមិនឃើញ
ឆ្នាំថ្មីបានឈានចូលមកដល់ ជឿថាអ្នកទាំងអស់គ្នាប្រាកដជាចង់បំភ្លេចចោលរឿងអាក្រក់ៗ ដែលបានកើតឡើង នៅក្នុងឆ្នាំចាស់ និងចង់ចាប់ផ្ដើមរឿងល្អៗនៅក្នុងឆ្នាំថ្មីនេះ។ ម្នាក់ៗប្រហែលជាបានប្ដេជ្ញាជាមួយខ្លួនឯងហើយថា ត្រូវតែសម្រេចគោលដៅមួយណាឲ្យបានសម្រាប់ឆ្នាំនេះ។ ទោះជាយ៉ាងណា ការប្ដូរផ្ដាច់របស់អ្នកអាចត្រូវរលាយ ឬបំភ្លេចចោលទៅវិញបន្តិចម្ដងៗនៅពេលដែលឧបសគ្គឆ្នាំថ្មីកើតឡើង។ ដូច្នេះកុំធ្វើឲ្យខ្លួនឯងស្រ្តេសខ្លាំង សាក់មកចាប់ផ្ដើមអ្វីស្រួលៗ ដូចជាទម្លាប់ល្អៗទាំង៥ខាងក្រោម ធានាថាជីវិតអ្នកប្រាកដជាពោរពេញដោយភាពរីករាយពេញមួយឆ្នាំនេះតែម្ដង៖
១. រៀបចំបន្ទប់គេង
នេះសម្រាប់អ្នកដែលប្រកាន់ទម្លាប់អាក្រក់ ដេកដល់វិនាទីចុងក្រោយ រួចប្រញាប់រៀបចំខ្លួនទៅធ្វើការទាំងតក់ក្រហល់ ដោយទុកចោលបន្ទប់គេងទាំងរញ៉េរញ៉ៃ។ អ្នកគួរកែទម្លាប់នេះចេញ ដោយព្យាយាមគេងពីព្រលប់ ភ្ញាក់ពីព្រលឹម រៀបចំខ្នើយ ភួយឲ្យមានរបៀប បែបនេះអ្នកនឹងទទួលបានអារម្មណ៍ល្អពេញមួយថ្ងៃនៅកន្លែងធ្វើការ ឬជួយឲ្យអ្នកចង់ហាត់ប្រាណដើម្បីសុខភាពទៀតផង។
២. បញ្ចេញសកម្មភាព
ដើម្បីទទួលបានរបៀបរស់នៅមួយដែលប្រសើរ ទាំងសុខភាពផ្លូវចិត្ត ក៏ដូចជាផ្លូវកាយ អ្នកត្រូវហ្វឹកហាត់ខ្លួនឯងឲ្យក្លាយជាមនុស្សឧស្សាហ៍ព្យាយាម។ ពេលទំនេរកុំដេកនៅតែផ្ទះ ត្រូវទៅកន្លែងហាត់ប្រាណ ឬណាត់ជួបមិត្តភ័ក្ដិពិភាក្សារឿងល្អៗ ដើម្បីទទួលបានចំណេះដឹងបន្ថែម។
៣. ញ៉ាំ ដើម្បីថាមពល
ទម្លាប់ធ្វើការជ្រុល រហូតភ្លេចបាយ ភ្លេចទឹកគួរតែបំបាត់ចោល។ ទោះអ្នករវល់ប៉ុណ្ណា អ្នកត្រូវតែញ៉ាំអាហារបីពេលក្នុងមួយថ្ងៃ ហើយអាហារទាំងនោះត្រូវតែប្រភេទដែលត្រឹមត្រូវ។ ត្រូវចាំថាសុខភាពគឺជារឿងសំខាន់ណាស់ ដូច្នេះអ្នកត្រូវតែចេះមើលថែខ្លួនឯងឲ្យបានល្អគ្រប់ពេល។
៤. ចំណាយពេលចំពោះចំណងចំណូលចិត្តផ្ទាល់ខ្លួន
អ្នកស្រឡាញ់ការងារ ហើយចង់បានជោគជ័យក្នុងវ័យក្មេង ដូច្នេះអ្នកធ្លាប់បូជាពេលវេលាខ្លួនឯងស្ទើរតែទាំងអស់ទៅលើវា។ នេះមិនមែនជារឿងគួរឲ្យសរសើរទេ អ្នកកំពុងធ្វើបាបខ្លួនឯងច្បាស់ក្រឡែត ដូច្នេះឆ្នាំថ្មីនេះ អ្នកគួររៀបចំកាលវិភាគឡើងវិញ ទុកពេលខ្លះសម្រាប់រីករាយជាមួយរឿងដែលខ្លួនចូលចិត្តឲ្យបានញឹកញាប់ ទើបគេហៅថាមនុស្សដែលចេះរៀបចំជីវិត។
៥. ធ្វើរឿងដែលគួរធ្វើ
កុំទ្រាំជាមួយសម្ពៀត ឬការជិះជាន់តទៅទៀត។ បើគិតថាខ្លួនកំពុងស្ថិតក្នុងរឿងអយុត្តិធម៌ ក្រោកឈរតវ៉ាភ្លាម។ ត្រូវរៀនស្គាល់ពីស្ថានការណ៍ថា ពេលណាត្រូវធ្វើសង្គ្រាម ពេលណាត្រូវដោះស្រាយតាមការទូត។ ទម្លាប់ខ្លួនឲ្យរឹងមាំ ឯករាជ្យ និងត្រូវចងចាំថាអ្នកគួរតែរស់នៅ ស្របតាមឧត្ដមគតិខ្លួនឯងជានិច្ច ៕
© រក្សាសិទ្ធិគ្រប់យ៉ាងដោយ Kanha.io ឆ្នាំ២០២៥
អាសយដ្ឋាន
Connexion Building
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។
