ប្រយ័ត្នខូចមុខកែលែងឡើងដោយសារការប្រើប្រាស់របស់ទាំងនេះនៅលើផ្ទៃមុខ
- 2018-01-25 20:52:02
- ចំនួនមតិ 0 | ចំនួនចែករំលែក 0
ប្រយ័ត្នខូចមុខកែលែងឡើងដោយសារការប្រើប្រាស់របស់ទាំងនេះនៅលើផ្ទៃមុខ
ចន្លោះមិនឃើញ
ផ្ទៃមុខអាចនិយាយថាដូចជាគ្រាប់ពេជ្រសម្រាប់មនុស្សស្រី ដូច្នេះហើយទើបការការពារស្បែកមុខគឺជារឿងសំខាន់បំផុតដែលមិនអាចប្រហែសបានឡើយ។ បើមិនទាន់ដឹងច្បាស់កុំចេះតែហ៊ានប្រើរបស់ផ្ដេសផ្ដាសអី ព្រោះបើអ្នកប្រើរបស់ខុសវានឹងធ្វើឲ្យស្បែកមុខអ្នកខូចខាតបាន ។ ទាំងនេះជារបស់ដែលអ្នកមិនគួរយកមកប្រើប្រាស់លើស្បែកមុខនោះឡើយ ៖
១. ស្ករស
ការប្រើស្ករសត្រដុសនឹងមុខគឺមិនល្អនោះឡើយ ព្រោះស្បែកមុខគឺស្ដើងជាងស្បែកដងខ្លួនដែលអាចឲ្យស្បែកមុខខូច ហើយកាន់តែចាស់ ដូច្នេះបើអ្នកចង់ខាត់មុខនោះអ្នកគួរតែប្រើអំបិលជំនួសវិញទើបជាការប្រសើរ។
២. អាល់កុល
ជាតិអាល់កុលគឺសម្រាប់ប្រឆាំងនឹងបាក់តេរី ហើយវាសារជាតិដែលធ្វើឲ្យស្បែកស្ងួត ដូច្នេះបើអ្នកយកវាមកដាក់ ឬ ត្រដុសលើមុខវានឹងធ្វើឲ្យស្បែកមុខអ្នកស្ងួត គ្មានសំណើម និងធ្វើឲ្យកោសិកាស្បែកងាប់។
៣. ទឹកក្ដៅឧណ្ហៗ
ការប្រើទឹកក្ដៅឧណ្ហៗទៅលើស្បែកមុខគឺធ្វើឲ្យបំផ្លាញសំណើមធម្មជាតិដែលមានក្នុងស្បែកមុខអ្នក។ ម្យ៉ាងទៀតវាធ្វើឲ្យស្បែកស្ងួត និង ប្រេះ បែបនេះហើយទើបអ្នកគួរតែចៀសវាងប្រើទឹកក្ដៅឧណ្ហាលុបលាងមុខ ឬ ត្រដុសនឹងមុខ។
៤. ក្រូចឆ្មា
វាមាន pH រហូតទៅដល់ ២ ដែលមានន័យថាវាជាអាស៊ីតខ្ពស់ ដូច្នេះបើអ្នកយកវាមកត្រដុស ឬ ជូត មុខ គឺអាចឲ្យមុខអ្នករលាក ស្ងួត ធ្វើឲ្យមុខអ្នកខូចខាតដោយសារតែវាទៅបំផ្លាញកោសិកាដែលការពារស្បែក។
អ្នកមិនគួរធ្វេសប្រហែសចំពោះស្បែកមុខនោះទេ មុនន្រើអ្វីមួយត្រូវប្រាកដថាគ្មានផលប៉ះពាល់អីសិន ព្រោះបើមិនអីចឹងទេនឹងអាចស្ដាយក្រោយបាន៕
ចុចអាន៖ស្បែកអត់ភ្លឺថ្លាមែន? សាកល្បងវិធីខាត់ស្បែកបែបធម្មជាតិនេះមើល៍ អត់ខូចស្បែកទេ
© រក្សាសិទ្ធិគ្រប់យ៉ាងដោយ Kanha.io ឆ្នាំ២០២៥
អាសយដ្ឋាន
Connexion Building
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។
